Cultura
stampa

A Guriza si tache miercus ai 16 di Zenâr 2019

A son viertis lis iscrizions a la edizion 2018/2019 dai cors pratics di lenghe furlane, inmaneâts da la Societât Filologjiche Furlane cu la poie de ARLeF - Agjenzie Regjonâl pe Lenghe Furlane. Lis lezions a trataran argoments di grafie, gramatiche e imprescj lenghistics informatics.

Parole chiave: corso (35), friulano (11)

 Il cors di Guriza - te sede da la Societât Filologjiche in vie Bellini 3 - al tacarà cun miercus ai 16 di Zenâr 2019 a lis 5 dopomisdì, e al larà indevant par 13 lezions di 2 oris ognidune. La docente e je la dot.sse Maria Chiara Visintin. A la fin dal cors al vignarà consegnât un certificât di frecuence ai arlêfs che a varan partecipât a almancul il 70% da lis oris di lezion. Il certificât al è titul culturâl par jentrâ te Liste regjonâl dai insegnants cun competencis di lenghe furlane. Il cors al è a gratis e viert a ducj i interessâts. Iscrizions fin ch’al è puest.
Oltri a Guriza, in Friûl di Jevât e Basse a son in program cors ancje a Romans e a Aquilee.
Par informazions e iscrizions, cjalâ sul sît internet www.filologicafriulana.it (sezion Lenghe Furlane - Cors pratics), o ben telefonâ al Ufici Formazion da la Filologjiche (tel. 0432 501598 int. 3). Si pues ancje clamâ la sede SFF di Guriza (tel. 0481 533849; gorizia@filologicafriulana.it - martars 9-13 e joibe 14.30-18).
La Societât Filologjiche
e augure Bon Nadâl
e bon principi dal an gnûf
a ducj i letôrs, socis e amîs!

© Voce Isontina 2019 - Riproduzione riservata
A Guriza si tache miercus ai 16 di Zenâr 2019
  • Attualmente 0 su 5 Stelle.
  • 1
  • 2
  • 3
  • 4
  • 5
Votazione: 0/5 (0 somma dei voti)

Grazie per il tuo voto!

Hai già votato per questa pagina, puoi votarla solo una volta!

Il tuo voto è cambiato, grazie mille!

Log in o crea un account per votare questa pagina.